Kloroben – Oral Spray

Kloroben Oral Spray Kloroben është një spraj shumë efektiv me shije menteje të freskët që qetëson menjëherë dhimbjen e fytit, parandalon dhe trajton infeksionet e mishrave të dhëmbëve, si dhe përshpejton shërimin e plagëve kirurgjikale në gojë. Kloroben përmban klorheksidinë glukonat dhe benzydaminë HCl. Klorheksidina: Inaktivizon mikroorganizmat me një spektër më të gjerë veprimi sesa antibiotikët dhe ka një shpejtësi më të lartë veprimi krahasuar me antimikrobikët e tjerë. Benzydamina: Ushtron veprim anti-inflamator dhe analgjezik duke stabilizuar membranën qelizore dhe duke frenuar sintezën e prostaglandinave. Indikohet në Inflamacionet e gojës dhe mukozës së fytit, gingivitin me dhimbje, tonsilitin dhe faringitin. Plagët orale ulçerative dhe mukozitin gjatë kimioterapisë, për lehtësimin e dhimbjes. Parandalimin e infeksioneve bakteriale të gojës dhe fytit. Para dhe pas ndërhyrjeve kirurgjikale në gojë. Parandalimin e formimit të pllakëzave dentare. Udhëzime mbi përdorimin Fëmijët mbi moshën 6 vjeç: 5 spërkatje, mund të përsëritet çdo 1.5-3 orë. Të rriturit: 5-10 spërkatje, mund të përsëritet çdo 1.5-3 orë. Nuk duhet përdorur Tek fëmijët më të vegjël se 6 vjeç. Nëse jeni alergjik ndaj benzidaminës, klorheksidinës ose ndaj ndonjërit prej përbërësve të tjerë të Klorobenit. Nëse jeni shtatzënë ose ushqeni fëmijën me gji. Konsultohuni me mjekun ose farmacistin tuaj nëse: Vuani nga ndonjë sëmundje ose keni një problematikë të veçantë shëndetësore. Vuani nga probleme të rënda të mëlçisë ose veshkave.