Lek – Flonidan 10tableta

Flonidan Loratadina, substanca aktive e Flonidan, bën pjesë në grupin e antihistaminikëve. Në reaksionet alergjike çlirohen substanca të ndryshme (mediatorë), të cilat shkaktojnë simptomat e reaksioneve alergjike. Histamina është një nga mediatorët më të rëndësishëm në këto reaksione. Flonidan frenon veprimin e histaminës, prandaj paraqet një efekt të fortë antialergjik. Ai lehtëson simptomat e shkaktuara nga histamina që çlirohet gjatë reaksioneve alergjike si: të kruarat, skuqja, enjtja dhe sekrecionet nazale. Fillimi i efektit shfaqet brenda 20 minutash pas gëlltitjes dhe zgjat afërsisht për 24 orë. Përdorimet Edemë dhe irritim alergjik i brendshëm i hundës, i shkaktuar nga riniti alergjik (sezonal) dhe alergjia nga pluhuri i shtëpisë (i përhershëm). Shpërthime kronike me njolla dhe kruarje në lëkurë (urtikarie) Mos merrni Flonidan Nëse keni mbindjeshmëri ndaj loratadinës apo ndaj ndonjërit prej përbërësve të tjerë të produktit mjekësor Tregoni kujdes të veçantë me Flonidan Nëse gjendja juaj pas marrjes së Flonidan nuk përmirësohet ose përkeqësohet Nëse keni funksion të dëmtuar të mëlçisë apo të veshkave Njoftoni mjekun tuaj në lidhje me këto gjendje. Ndërpriteni marrjen e produktit mjekësor të paktën 2 ditë përpara provave alergjike në lëkurë, sepse Flonidan mund të maskojë simptomat e mbindjeshmërisë. Ju nuk duhet të tejkaloni dozën e rekomanduar nga mjeku juaj. Marrja e barnave të tjera Ju lutem njoftoni mjekun apo farmacistin tuaj nëse jeni duke përdorur ose keni përdorur kohët e fundit ndonjë medikament tjetër, duke përfshirë edhe ato që merren pa përshkrimin e mjekut. Nuk njihet ndonjë ndërveprim i rëndësishëm i Flonidan me barna të tjera. Flonidan nuk e forcon efektin e alkoolit. Megjithatë, ju nuk duhet të pini alkool kur jeni duke marrë Flonidan. Shtatzënia dhe ushqyerja me gji Këshillohuni me mjekun ose farmacistin tuaj përpara se të merrni ndonjë medikament. Siguria e loratadinës gjatë shtatzënisë nuk është e përcaktuar, prandaj nuk rekomandohet përdorimi i Flonidan gjatë shtatzënisë. Loratadina sekretohet në qumështin e nënës, prandaj nuk rekomandohet përdorimi i Flonidan gjatë kohës së ushqyerjes me gji. Aftësia për të drejtuar automjetin dhe përdorimin e makinerive Nuk ka të dhëna për ndonjë ndikim të rëndësishëm të loratadinës në aftësinë për të drejtuar automjetin apo në përdorimin e makinerive, kur merret në dozën e rekomanduar. Megjithatë, disa njerëz mund të përjetojnë marramendje pas marrjes së Flonidan, të cilat mund të ndikojnë në aftësinë për të drejtuar automjetin apo për përdorimin e makinerive. Udhëzime mbi përdorimin Të rriturit dhe fëmijët mbi 12 vjeç: duhet të marrin 1 tabletë Flonidan një herë në ditë. Fëmijët 2 deri në 12 vjeç (pesha e trupit mbi 30 kg): duhet të marrin 1 tabletë Flonidan një herë në ditë. Fëmijët 2 deri në 12 vjeç (pesha e trupit nën 30 kg): duhet të marrin 1/2 e tabletës një herë në ditë.