Mentholatum – Deep Relief Gel

Mentholatum – Deep Relief Gel Deep Relief xhel antiinflamator është një xhel për lehtësimin e dhimbjeve që aplikohet lokalisht në lëkurë. Përdoret për lehtësimin e: Dhimbjeve reumatizmale në muskuj, tendina, nyje ose kocka. Dhimbjeve muskulare. Dhimbjeve dhe enjtjeve si tërheqje muskulare, ndrydhje dhe dëmtime sportive. Deep Relief xhel antiinflamator përmban dy përbërës aktivë. Ibuprofeni bën pjesë në grupin e barnave antiinflamatore josteroide (AIJS), të cilat ofrojnë lehtësim efektiv të dhimbjes dhe ndihmojnë në reduktimin e inflamacionit dhe ënjtjes. Levomentholi ofron një ndjesi freskuese dhe qetësuese për lehtësimin e dhimbjes. Mos e përdorni Deep Relief xhel antiinflamator nëse: Keni alergji ndaj ibuprofenit, mentolit ose ndonjë përbërësi tjetër të Deep Relief xhel antiinflamator. Keni alergji ndaj aspirinës ose barnave të tjera kundër dhimbjes të njohura si barna antiinflamatore josteroide (AIJS), përfshirë edhe ato që merren nga goja. Keni astmë dhe e dini që aspirina ose AIJS mund të shkaktojnë krizë astme, rrjedhje hundësh (rinit), kruajtje ose skuqje. Efekte anësore të mundshme Ashtu si të gjitha barnat, Deep Relief xhel antiinflamator mund të shkaktojë efekte anësore, megjithëse jo të gjithë i përjetojnë ato. Ndaloni menjëherë përdorimin e Deep Relief xhel nëse shfaqen: Vështirësi e pashpjegueshme në frymëmarrje. Gulçim. Djegie, fluska ose puçra në lëkurë. Kruajtje, skuqje ose plagë në lëkurë. Ënjtje e fytyrës. Udhëzime mbi përdorimin Përdorni 1-4 cm xhel sa herë që aplikoni Deep Relief xhel antiinflamator. Vendoseni xhelin në një shtresë të hollë mbi zonën e prekur. Përsëriteni aplikimin deri në 3 herë në ditë, por jo më shpesh se çdo 4 orë. Nëse dhimbja ose enjtja vazhdon pas përdorimit për 2 javë, konsultohuni me mjekun. Fërkoni butësisht zonën derisa xheli të absorbohet plotësisht. Mund të ndjeni një ndjesi shpimi gjilpërash – gjithmonë testojeni fillimisht në një zonë të vogël të lëkurës. Mos përdorni më shumë xhel se sa rekomandohet. I përshtatshëm për të rritur dhe fëmijë mbi 12 vjeç. Nëse nuk po trajtoni duart, lajini ato menjëherë pas përdorimit. Mbyllni kapakun fort pas çdo përdorimi. Ndaloni përdorimin nëse shfaqet acarim i tepërt i lëkurës ose ndonjë efekt tjetër i padëshiruar. Nëse aplikoni aksidentalisht më shumë xhel se sa duhet, fshini tepricën me një copë.